Paglalakad sa Antipolo
Halos isang linggo na lang ang natitira sa Agosto. Marami-rami na ring pagbabago ang nangyari sa taong 2026 at sana, magagandang bagay ang paparating sa Ber months. Hindi madali ang mga nagdaang linggo. Sa edad na 40, pakiramdam ko’y nagbabago na talaga ang katawan ko. Mas lalong dapat ingatan, at mag-ingat sa mga kinakain. Kamakailan ay ibinabalik ko na ang dating ako na hindi mahilig sa soft drinks. Iwas na uli sa red meat. Hindi pa ako nagka-calorie counting pero gumagawa ako ng effort para tiyaking sakto lang at hindi ako busog na busog tuwing kumakain. Sinisikap ko ring maglakad-lakad nang mas madalas. Sabi ng doktor, kailangan kong magbawas ng .5 hanggang 1 kilogram per week. Mula sa 71.3 noong August 10, nasa 68.2 na ako kahapon. Marami akong inaalala pero kahapon, nagkaroon ako ng pagkakataong maglakad at kumain mag-isa sa Antipolo. Ito ang mensaheng ipinarating sa akin: Payapa at narelax ako sa tanawin. Nakalimutan ko ang mga problemang kasama ng pagtanda at pagkakaroon ng mas...
